Bis zer Fasnacht 2020 goot s no 02.03.2020 4:00 132 Dääg
Mir mache blau – bi uns kasch pausiere! Danggesbrief PDF Druckbutton anzeigen? E-Mail
Geschrieben von: Andy "Munster" Hermann   

Bonjour,

Ce petit mot et quelques photos pour mercier Gigi et vous tous de votre chaleureux accueil.

C'est toujours agréable de rencontrer des personnes qui partage la même passion et quel plaisir pour nous d'avoir pu jouer avec die Aagrfässene lors du Fasnacht 2012. Nous garderons longtemps de belles images dans notre tête et de beaux magnifiques d'amitié.

Salutation à tous et encore merci.

Isabelle et Michel

Mir mache blau - Dangge scheen      Mir mache blau - Dangge scheen      Mir mache blau - Dangge scheen

 
Mir mache blau – bi uns kasch pausiere! Flyer PDF Druckbutton anzeigen? E-Mail
Geschrieben von: Andy "Munster" Hermann   

Die Aagfrässene: Mir mache blau - Bi uns kasch pausiere

 
Mir mache blau – bi uns kasch pausiere! PDF Druckbutton anzeigen? E-Mail
Geschrieben von: Andy "Munster" Hermann   

Sujet

Was haisst das? Hintergedangge zum Sujet!

Wenn me bi uns in dr Glygge ummeluegt oder sich au als sälber hinterfrogt, wird scho jedem emol uffgfalle sy, ass me die Glyggesache mängmoll nümm eso ganz ärnscht nimmt. Uff die aint Syte kaa me sage, es isch numme e Hobby, denn isch es jo au Wurscht wenn mes emol e bitz loggerer nimm (was sicher au richtig isch), uff die anderi Syte sinn mir laider langsam aber sicher nümm in dr tolle Situazioon, ass mer sauvyl Lüt sinn und me denn e Fähle vonere grosse Überzahl nümm wurd mergge. Im Gegedail, die Lüt wo immer kömme, hälfe und mitmache, dene stinggts denne ebben au emol. Das sowohl in organisatorischer als aber sicher au in musikalischer Hinsicht. Das alles bringt mit dr Zyt Unzfridehait und Unmuet, und ussem Ganze gits e Deufelskreis. Denn gohts los mit immer wider emoll ussloo bis zu gar nümm uftauche oder denn halt ebe pausiere. Me kas jo emol mit pausiere usprobiere, wells aim grad nümmi passt, aber uffhöre oder öbbis anders mache, isch denn halt scho grad e riisen Entschaidig resp. e No-go! Uss däm Grund hänn mir ys überlegt, ass mer das Johr aifach emol jedem persönligg d Entschaidig lönn, wien er will Fasnacht mache, resp. wies am ehschte stimmt für jede. D.h. jede kaa an dr Fasnacht mache wien er will, jede lauft wenn er will, macht Pause wenn (und wie lang) er will und zieht aa, was er will – aber es muess aifach blau sy! Durch das sotte mir aigendlig alli e wunderbari Fasnacht haa und niemert het en unbequäm Goschdüm oder Larve, muess e z lange Rieme laufe oder e gruusigs z Nachtässe über sich ergoo loo. Wenns öbberem nit passt, denn kaner jo pausiere...

Dos in andere Glygge au Lüt git, wo pausiere, gänn mer dene d Mögligkait, zum bin ys mitzlaufe. Ganz spontan und ohni grossi Verpflichtige!

Uns isch es aber sehr wichtig z betoone, aass mer uff kai Fall wänn Lüt vo andere Glyggen abwärbe!!! Mer gänn das Johr aifach d Mögligkait bin ys yzstoh, mit ai, zwai glaine Bedingige:

Was muessi / darfi mache?

E blau Goschdüm azieh und an ain vo unsere Abmarschort koo!

Was muessi / darfi könne?

Pfyffe, oder drummle oder Vorträbler sy!

Was muessi / darfi beachte?

Unsere Fasnachtsfahrblan beachte, wenn mer wo sinn , damit de uns au findsch.

Mäntig

Fasnachtsfahrblan vom Mäntig-Noomidaag

  • 14.10 Abmarsch Theodorskirche
    Mr laufe uf dr innere Route Richtig Wettstai Brugg
  • 15.30 Abmarsch Rittergass / Egge Bäumligass
  • 17.15 Abmarsch Falknerstroos
  • 20.15 Abmarsch Gryffegass
  • 21.30 Abmarsch Ramstein Optik Sattelgass Richtig Münschterblatz
  • 23.00 Abmarsch Augustinergass bim Brunne (ohni Laddärne)

Middwuch-Noomidaag

Fasnachtsfahrblan vom Middwuch-Noomidaag

  • 14.10 Abmarsch bim Bankverain
    Mr laufe uf dr üssere Route Richtig Wettstaiplatz
  • 15.30 Abmarsch bim Roma in dr Hammerstroos
  • 17.30 Abmarsch Ochsegass / Egge Wäbergass

Middwuch-Oobe

Der Middwuch-Oobe

  • 20.30 Abmarsch bim Verkaufshüüsli Personeschifffahrt
  • 22.45 Abmarsch bim Drey König / Spiegelgass (Laddärne sueche)
  • 00.15 Abmarsch Laddärne bim Glyggekäller / Egge Rosshofgass Noodlebärg
  • 01.30 Abmarsch Laddärne bim Schnabel
  • 02.30 Abmarsch Laddärne bim Brune Mutz
  • 03.30 Abmarsch Laddärne bi dr Schlüsselzunft

Flyer aabelade

Do kasch der Flyer mit allne Zyte aabelade pdf Die Aagfrässene "Flyer - Mir mache blau