Kirchberg 2022

S wunderschöne Wetter, wo uns s ganze Wuchenendi lang begleitet het, isch de Uftagt gsi für e tolls Wuchenendi. Über s Wuchenend verteilt isch grossartig musiziert worde. Dank em grosse Engagement vo de Géraldine und em Niggi Gehrig het unseri Glygge in allne Sektione dörfe starte.

Durch de Tag dure het me in ganz Kirchberg könne de einzelne Vorträg go zuelose und het sich mit feinem Esse könne de Mage fülle. Nocheme gmeinsame Znachtässe sin mir musizierend durch d Gasse vo Kirchberg gloffe und aschliessend no s Tanzbei im Festzelt go schwinge. Nochere nid all zu lange Nacht hets nochem Zmorgeässe de Sternmarsch ge und am Nomiddag e Umzug wo Gross und Klei het könne go zueluege. S Endi vo dem grandiose Wuchenend het dene d Rangverkündigung bildet. 

Die Aagfrässene luege uf e super Wuchenendi zrugg und bedangge sich au bi de Organisatore, wo so Öbbis überhaupt möglich gmacht hen. 

Mir sin ganz stolz uf unseri Teilnehmende und gratuliere allne no vo ganzem Herze. 

Rangliste:

- Gmischti Gruppe: 7 Rang

- Pfyffer Gruppe: 11 Rang

- Tambuure Gruppe: 13 Rang (Kategorie S2)

Solo Duo:

- Géraldine und Niggi Gehrig: 3 Rang

- Paula Wolfelsberger & Ami Gadient: 12 Rang

Einzeln:

- Alessia Cominotti: 6 Rang (Kategorie PJ)

- Ami Gadient: 2 Rang (Kategorie T2F)

- Anna Wolfelsberger: 9 Rang (Kategorie PJ)

- Géraldine Gehrig: 4 Rang (Kategorie PF)

- Leonid Reinau: 7 Rang (Kategorie T2B)

- Max Heller: 14 Rang (Kategorie T2J)

- Niggi Gehrig: 8 Rang (Kategorie T1F)

- Ryoma Gadient: 3 Rang (Kategorie T2J)