Summerstamm 28. Juli 2022

«Wär kennts nid, hoggsch dusse, gniessisch s warme Wätter. Und derzue e schön warms Fondue.»Es isch s erschte Mol gsi, dass dä Summerfondue-Plausch stattgfunde het. Mir hän zerst e Apéro gnoh und sin drnoch zämme im Garte an e grosse Tisch gsässe und hän e feins Fondue gässe. Drzue isch Hudigägelermusik gloffe und e grossi Schwizerfahne het für die passendi Stimmig gsorgt. Es isch e gmietlige Obe gsi. Danggschön an die beide Organisatore und an alli, wo drbi gsi sin. Es het uf jeede Fall Wiederholigspotenzial.