Im Johr 1971 hett der Stamm vo den Aagfrässene beschlosse das si der Stamm wän für Fraue zue mache. Der Gedangge derhinter isch gsi das me mecht e "Männerglygge" wärde. Jedoch hett me bi der Junge Garde, wo au im 1971 grindet worde isch, trotzdäm no Maitli uffgno damit die mangels fählendem Noochwuuggs nit wider ygoht. Damit all die Maitli, wo bi der Junge Garde pfyffe gleert hän mit der Volljährigkeit nid die Aagfrässene mien verloh, sin 1977 d Rosshofspatze grindet worde. 

Im 1978 sin mer die erste Fasnacht zämme gloffe. Sit denn verbringe mir alli sehr gern vyl Zyt mitenander, sigs an d Fasnacht, im Pfyffe oder bi sunschtige Aaläss, wo mir durchs Johr duure hän.

Mir, d Spatze, sind e glein aber fein Pfyffergrippli und kenne drum numme Fraue ab 18 Johr, wo kenne pfyffe oder wän Vortrab mache, uffnäh. Wenn de me Infos wotsch oder Frooge hesch, meld di doch bi unserer Obfrau, Corinne Bühler. Ihri Date findsch unter "Rosshofspatze - Kontaggt".